2021-07-16Text: Yan Law

搶手榴槤自助餐又嚟喇！神秘品種「海龍王」首登場！一次過食5款馬來西亞榴槤、榴槤鹹蛋麥皮蝦、榴槤雪糕！

#尖沙咀 #唯港薈 #HotelICON #榴槤節 #榴槤 #貓山王 #D175紅蝦 #D163葫蘆 #D101柔佛黃金 #Brunch Buffet #美食地圖 #試食報告 #甜品

　　自助早午餐中更備有6款榴槤熱葷可以任食，難得是每款菜式都能夠將榴槤的獨特香氣和綿密軟滑口感發揮得淋漓盡致，非常加分！其中編者最愛「榴槤鹹蛋麥皮蝦」，以近年大熱的鹹蛋黃入饌，還加入麥皮、辣椒、牛奶粉、由風乾榴槤磨成的榴槤粉同炒，炒出來的每隻蝦每隻蝦都甜中帶辣，鹹香惹味！

榴槤鹹蛋麥皮蝦

　　自問愛重口味的朋友，必吃「脆炸榴槤芝士和牛肉丸」！師傅將味道濃郁的貓山王混合忌廉芝士製成流心餡，再脆炸而成。咬開後，芝士榴槤餡如爆漿一樣流出，加上牛肉丸口感彈牙，的確好滋味！「貓山王榴槤腐皮海鮮石榴球」亦是咬開「咇」出榴槤蓉，而且清甜多汁，最難得是全人手製作，非常有心思，值得再三encore！

脆炸榴槤芝士和牛肉丸

貓山王榴槤腐皮海鮮石榴球

　　其他菜式還包括「娘惹榴槤烏達」和「榴槤咖啡排骨」。前者是馬來西亞特色小食，用上蝦肉、魚肉、椰奶、辣椒醬、榴槤肉等材料，攪爛後倒進香蕉葉裡包好蒸熟，口感豐富，而甜中帶著微辣，非常可口！後者有別一般的排骨菜式，加入即溶咖啡及D24榴槤炒汁，創意十足，吃起來別有風味！

娘惹榴槤烏達

榴槤咖啡排骨

　　至於「榴槤銀絲櫻花蝦鮮雞春卷」則由Danny師傅夥拍中菜師傅馮鈿富悉心炮製，師傅先將木耳、椰菜切絲洗淨，再將龍崗雞去皮起骨切絲煎香，然後加入粉絲、大地魚等，最後加入D24榴槤醬、已炸香的櫻花蝦撈勻，並用春卷皮卷好再炸至金黃色！非常香脆可口！

香脆榴槤銀絲櫻花蝦鮮雞春卷

　　吃完正餐後，當然要享用甜品啦！7款榴槤甜品主要用貓山王及D24榴槤來製作，保證濃郁香甜！其中「榴槤布甸」、「榴槤泡芙」和「榴槤雪糕」向來是酒店招牌菜，必定要吃！「榴槤芝士餅」和「榴槤芝士撻」口感順滑濃郁，芝士控不要錯過！「班蘭榴槤蛋糕」甜而不膩，而且好鬆軟、不乾身，讓人忍不住一口接一口！編者則私心推介「榴槤芒果糯米飯」，兩種夏日水果的口感和味道完美融合，配搭口感煙韌的糯米飯，作為結尾絕對是大滿足！

7款人氣榴槤甜品

（後排，由左至右）榴槤雪糕、班蘭榴槤蛋糕、榴槤布甸

（前排，由左至右）榴槤芝士撻、榴槤泡芙、榴槤芝士餅、榴槤芒果糯米飯

　　除一系列榴槤美食外，自助早午餐還提供各式各樣的冷盤及沙律，包括麵包蟹、法國翡翠螺、西班牙青口、大蝦、日式刺身等；熱葷則有肉骨茶、娘惹喇沙、生滾海皇粥；還有班蘭蛋糕、烏龍茶大菜糕及Häagen-Dazs™雪糕可作飯後甜品！大家還可以無限添飲紅白餐酒、氣泡酒、果汁和汽水，保證捧腹而回！

　　不止！驚喜還陸續有來！「榴槤王子」Danny師傅更會於每一場的早午餐擔任星級司儀，透過問答環節為大家介紹馬來西亞以及當地出產的靚榴槤，並即場舉辦大抽獎活動，送出3份唯港薈的免費餐飲券！大家還可以獲得由馬來西駐香港總領事館、馬來西亞旅遊促進局（香港分局）、Malaysia External Trade Development Corporation（MATRADE）及Malaysian Association of Hong Kong贊助的福袋一個，保證人人有得食、有得拎！今年榴槤自助早午餐限定14場，相信好快就會book滿座，想食就要快手預訂啦！