《開市Ｇｏｏｄ　Ｍｏｒｎｉｎｇ》上年神州１２月全國居民消費價格ＣＰＩ，按年升０﹒１巴仙，升幅連續四個月收窄，按月持平，即使有年尾消費旺季加持，都好似提振唔到個物價，神州未真正擺脫通縮風險？至於ＰＰＩ按年跌幅收窄至２﹒３巴仙，連續兩個月有改善，上游物價有企穩回升跡象？　　　大型科技股雖回穩，但恒指全日高低波幅唔夠２００點，大市繼續悶局？藍籌之中表現最好嘅係康師傅（００３２２），升幅逾一成二，但由基本面睇，行業競爭同樣激烈，康師傅只宜短炒？安踏（０２０２０）上年第四季零售數字好過預期，獲大行唱好，上望空間仲有幾多？　　　明日（１０日）《開市Ｇｏｏｄ　Ｍｏｒｎｉｎｇ》請來ｉＦＡＳＴ　Ｇｌｏｂａｌ　Ｍａｒｋｅｔｓ投資總監溫鋼城，同大家分析上述股份、大市走勢，當然唔少得分析其他焦點股份！歡迎大家提問投資及其他股票問題。記得８：５５ａｍ　昅實《經濟通》ＮｅｗｓＴＶ直播節目－－《開市Ｇｏｏｄ　Ｍｏｒｎｉｎｇ》喇！或者ｃｌｉｃｋ入嚟ｈｔｔｐｓ：╱╱ｗｗｗ﹒ｙｏｕｔｕｂｅ﹒ｃｏｍ╱ｗａｔｃｈ？ｖ＝ｍｒ－ＱＩ８ｓｐｆ０Ｕ打個卡先又得！

想要獨家投資理財Tips？即Like etnet 全新Facebook專頁► 立即讚好