【晴報專訊】MIRROR成員呂爵安（Edan）即將開演唱會，開騷前特地推出新歌《Again！》，並找來《膠戰》好友岑珈其、徐浩昌（肥腸）及黃正宜（阿正）演出MV。Edan希望以輕鬆搞笑的方式拍攝MV︰「一諗就好啱《膠戰》嘅朋友，特別啱肥腸、珈其同阿正，Hillary（劉沛蘅）同Jeffrey（魏浚笙）就唔係好啱，我同佢哋講，唔好意思，你哋太靚，下次先！」

Edan邀請阿正、珈其及肥腸友情客串。

　　Edan笑言花了很多心思在「3膠」的造型，「一諗起阿正做奸角，就覺得要畀粒癦佢，結果成個造型好襯佢，係perfect match（完美配搭）。肥腸直情凸顯佢嘅優點，好吸睛；珈其整埋個頭，好啱佢嘅MK年代，將佢哋嘅優點放大，相信佢哋都好滿意！」

Edan在MV中有不少趣怪造型。