2歲囝囝變反叛 陳凱琳爆鄭嘉穎做壞人鬧仔

　　【晴報專訊】陳凱琳（Grace）誕下兩個兒子後，現時專心湊仔。Grace昨日出席慈善活動時，透露兩歲多的大仔鄭承悅（Rafael）踏入「Trouble Two」反叛期，但自己不忍心責備，所以老公鄭嘉穎教仔時負責做壞人角色。

陳凱琳跟小妹妹相處融洽，但她暫時無意追第三胎。

　　陳凱琳昨日出席《仁濟關愛小領袖月捐及義工計劃》啟動禮，大會安排她與兩位小女孩一起做手工，相當合拍。問Grace可有意再追個女兒？她笑說：「我同老公就無乜，反而身邊嘅人覺得我生咗兩個仔，點都生個女，但係在於我來講兩個仔就啱啱好。」她表示跟兒子相處較為直接：「男仔比較簡單，溝通起嚟較容易明白，只係大仔有時會反叛。」

面對大仔Rafael扭計，鄭嘉穎決定充當壞人教仔。

　　Grace透露大仔Rafael試過出街時扭計，不肯戴口罩：「於是我同老公堅持唔出街，咁大仔就會即刻戴番口罩，佢識睇眉頭眼額。」她指有時大仔頑皮時，自己不忍心責備，每次老公嘉穎見狀便教訓兒子：「自從嗰次之後，嘉穎就變咗做壞人。不過我哋會一齊氹個仔，總之會一致。」

安排入讀傳統學校

　　提到大仔快將入讀幼稚園，Grace希望安排囝囝入讀傳統學校：「因為我好細個去加拿大讀書，有啲遺憾，所以想個仔學好中文，同埋都想佢搭校巴，學識獨立。」另外，提到周日是父親節，Grace表示疫情下只會留在家中簡單慶祝，她又笑說：「我準備咗禮物畀我爸爸，因為我唔想忽略佢，有次行街佢睇中咗個銀包，但覺得好貴唔想我使錢。後來媽咪話爸爸好鍾意個銀包，咁我識做買畀佢，佢不知幾開心。」

轉載自: 晴報

想要獨家投資理財Tips？即Like etnet 全新Facebook專頁► 立即讚好