首次開個人演唱會 胡鴻鈞邀請緋聞男女朋友睇騷

　　【晴報專訊】胡鴻鈞（Hubert）將於下月26日及27日假九展舉行兩場演唱會，他昨日舉行記者會，預告屆時會騷肌，並大方表示會邀請曾跟自己傳緋聞的男、女朋友睇騷；同時Hubert主演的劇集《十月初五的月光》成為台慶劇，令他喜出望外，但他表示不敢想在年尾頒獎禮奪獎。

 

Hubert透露歌衫將不設底線。

 

　　胡鴻鈞入行十年，將在下月舉行首個個人演唱會。Hubert昨日出席記者會時，直認正積極操肌，但他表示操fit是為了健康，不讓自己在這段時間生病，並希望以最佳狀態示人。提到鄭欣宜日前要求Hubert在演唱會上除衫跳舞，他聞言後笑說︰「佢除我咪除囉！其實除褸都得嘅，我承諾一定會畀大家驚喜，不過依家要賣關子先。（會唔會除褲？）當然唔會啦，費事嚇親人…其實一直有做運動，當然最重要都係身體健康，正如皇上（張敬軒）所講對自己同觀眾都係一種尊重。」

 

Hubert昨日推出新歌《謝謝你的應援》。（網上截圖）

 

　　問到甚少跳唱歌曲的Hubert，會否在演唱會中跳舞？他笑謂︰「今年其實都多咗啲跳舞歌，虐待下大家眼球。其實之前我都試過喺自己嘅channel上播跳舞片，算係畀自己嘅挑戰，覺得要求變，嘗試挑戰極限。」Hubert又大方表示會邀請所有緋聞男、女朋友到場睇騷。

 

驚訝主演劇變台慶劇

 

何依婷與Hubert主演《十月初五的月光》，有幸成為台慶劇。（網上截圖）

 

　　此外，提到他主演的劇集《十月初五的月光》獲安排成為台慶劇，Hubert直言喜出望外，因為劇集剛拍攝完畢，以為明年才會推出。問及公司是否趁機為他爭奪視帝、為演唱會造勢？Hubert謙稱︰「其實呢一套咁經典嘅劇，搵我拍都已經係一頂好大嘅高帽，依家仲安排喺台慶播出，實在係意外收穫。」

 

轉載自: 晴報

• 

【與拍賣官看藝術】東南亞藝術市場是下一個熱點？一探各地獨特及吸引之處！► 即睇