合作無代溝 陳煒新劇扮炎明熹阿媽

　　【晴報專訊】本月踏入48歲生日的陳煒，一直是公認保養得宜的美魔女。煒哥昨日以露肩長裙出席活動，提到她在新劇《青春本我》中飾演16歲炎明熹（Gigi）的媽媽，她笑說拍攝時跟Gigi溝通相處無問題，更不時請「女兒」吃東西，希望谷肥對方。

榮升豪宅業主的陳煒，昨日容光煥發出席美容活動。

　　陳煒在無綫青春劇《青春本我》中飾演炎明熹的母親，她笑言已非首次演繹媽媽角色，亦十分開心參與這部充滿音樂劇元素的劇集，因為拍攝手法似足拍MV。煒哥自言在劇中不會開金口唱歌：「呢套劇主要展示佢哋（《聲夢》學員）嘅天賦，我哋只係輔助。我有追睇《聲夢》，對佢哋好奇，想了解16歲妹妹嘅諗法，我哋都溝通到。」她大讚Gigi「好得意」：「Gigi真係瘦，佢連22吋腰都無，依家又要返學又要拍劇，我都擔心佢嘅體能係咪應付到，所以有時開工都會買多啲嘢畀佢食。」

炎明熹在《青春本我》演學生。

斥千萬買豪宅築愛巢

　　另外，早前煒哥被爆斥資過千萬元，購入大埔半山的新翠山莊豪宅，她大方承認做業主。提到她購入豪宅後已立即升值，她笑說：「呢個我都未知，但係好開心買到心水地點，鄰近未來發展嘅白石角站，相信有升值潛力，加上本身好鍾意嗰度環境，自住非常適合。」

　　有說該區風水旺事業，煒哥表示不少藝人篤信風水，當然希望新居能帶旺自己︰「做咗呢行咁多年，對於風水命理都係寧可信其有。（係咪旺結婚運？）我唔知呀，因為明年先入伙，依家仲未收樓。（同男友築愛巢？）研究下，應該會一齊住。」提到本月21日48歲生日，男友可會製造生日驚喜？煒哥說：「有無驚喜都無乜所謂，可能會二人世界，又或者同幾個朋友一齊慶祝。」

轉載自: 晴報

【你點睇？】上海有女子赴瑞士接受安樂死，引網民熱議。你是否支持安樂死？► 立即投票