江美儀有信心 《下流上車族》奪「最佳劇集」

　　【晴報專訊】江美儀昨日到葵涌拍攝安老服務廣告，提到她主演的台慶劇《下流上車族》口碑收視俱佳，美儀希望可以帶挈她搵真銀：「OK啦，拍電視劇搵得幾多吖，希望賺多啲外快。」不過她坦言在疫情下，未有接洽登台工作，惟有寄望明年，「我啲工作都排到明年，最快要復活節先有得出埠。以前一年去幾次日本，好想再去滑雪，依家只可以叫工人拎啲滑雪裝出嚟曬下太陽。」

江美儀最近憑《下》劇人氣急升。

　　問美儀可會寄望憑《下》劇角逐台慶頒獎禮的視后寶座？她直言有信心取得入場券：「但都要睇天時地利人和，林敏驄同話事人咁好朋友，應該有『最佳劇集』獎啩？呢套劇喺網上華語榜攞咗第一位，評價好高，外圍氣氛贏咗喇！」

江美儀和林敏驄演夫妻甚有新鮮感，大受觀眾歡迎。

轉載自: 晴報

想要獨家投資理財Tips？即Like etnet 全新Facebook專頁► 立即讚好