【KOL速成班】愛情小文、健身短片最煞食！吸粉絲前先要「劃地盤」（附3大IG Stories排版App推介）

2. 題材內容

 

　　揀好自己嘅「地盤」之後，就係時候要諗下要出咩內容！

 

A. 美食

 

　　所謂「民以食為天」，加上香港周街都係好嘢食，閒閒哋一日喺條街度行都可以搵到幾間心水推介嘅餐廳同美食，實無輸啦！

 

（截圖自Instagram @muimuifoodsteps）

 

B. 愛情

 

　　情情愛愛嘅嘢，從來喺網絡世界都係大受歡迎，因為最易引發共鳴！IG就有位專寫愛情小文嘅90後「紙情」，短短幾年就吸納咗八萬幾個粉絲，甚至獲KOL經理人公司簽約合作，真係咪話唔犀利！

 

（截圖自Instagram @lovestoryhk）

 

C. 健身運動

 

　　健身教學片從來都係長做長有，好似Coffee林芊妤離開咗TVB後，就轉咗做瑜伽教練，周不時喺Youtube分享佢嘅修身教學，累積到一大批粉絲不在話下，去年仲榮登YouTube「十大本地熱門影片」排行榜第二名添！

 

Read More：【2018回顧】YouTube最新排行榜出爐！「扮工」解悶必備的10條熱門影片

 

（截圖自Youtube：《[ENG SUB] 20MINS特強瘦大腿操 (減外側內側後側及提臀) 2星期內明顯見效//SLIMMER THIGHS in two weeks ft. GRACE WONG》／Coffee林芊妤）

 

D. 美容

 

　　想喺網絡世界跑出？仲可以靠人人都愛嘅護膚化妝教學片！身為香港Beauty界嘅始祖，陳莉敏QQ所拍既短片除咗有實用嘅護膚製作教學，仲會示範好多令人意想不到嘅創意化妝方法，如毛筆化妝，難怪可以成功吸納近三十萬訂閱人數，仲有唔少美容youtuber當正佢係偶像啦！呢個KOL，絕對值得大家偷師學習。

 

（截圖自Youtube：Getting Rid of Dark Circles With Jello?★DIY綠茶果凍眼膜／BEAUTYQQ）

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【香港好去處】etnet全新頻道盛大推出！全港最齊盛事活動資訊盡在掌握！► 即睇

• 1
• 2
• 3
• 4