香港仔华富邨｜绿惜华富•嘉年华

活动简介

房委会自2019年展开华富邨重建项目以来，我哋同大家经历咗好多难忘嘅时刻 。期间，我哋举办咗超过18场公众参与工作坊，同30多个非政府组织合作，仲发布共7期《华富邨居民通讯》 。每一步，都同大家携手共建属于华富嘅未来。
项目团队一直努力将华富独有嘅文化历史元素，融入接收屋邨同将来新华富邨嘅建筑设计中，透过空间嘅升级重塑，承传华富人嘅生活文化，令呢个充满人情味嘅华富故事一直延续落去  。
适逢房署今年喺华富邨大力推广绿色生活，4月已经开展咗「绿惜华富」系列活动，当中包括「安居乐缮」— 义工队到街坊家中作简单缮修，同「扎动传龙」 — 扎作龙头亲子工作坊。嚟紧嘅压轴项目—「嘉年华」 将会喺7月5日（星期日）举行，内容丰富，重点环节包括：

典礼及社区表演
环保主题摊位游戏
升级重塑工作坊
华富大厅沉浸式体验

参加者可以透过游戏同工作坊，轻松认识绿色生活元素，一齐发掘环保生活嘅更多可能性 。

当日嚟参加典礼同各项「嘉年华」活动嘅朋友，仲可以获限量福袋一份 ！数量有限，送完即止，记得早啲嚟呀  ，到时见 ！

「绿惜华富」典礼及表演
日期：2026年7月5日（星期日）
地点：华富(一)邨商场平台
时间：上午9时30分至10时30分

「绿惜华富 • 嘉年华」
地点：华富(一)邨商场平台及华富大厅
时间：上午10时30分至下午3时30分