21/08/2018
有種男人只適合拍拖 不適合結婚
「有時我都唔知好無繼續？」她緩緩的說。
「你地唔係幾好咩？。」我說。
拍拖幾年，看似感情穩定，不代表沒有暗湧，就像他們。
「同佢一齊係開心，會哄我，有surprise，但講長遠，我始終覺得爭啲。」
「爭啲咩？」
事緣她男友剛去了大半個月長trip，突然又話要報working holiday，怎會不觸動她神經。
「平時佢已經吃喝玩樂，無咩計劃，去完咁耐旅行返黎又話想出走…我好似從來都唔係佢人生計劃入面...。」她其實一直介意。
「你有無問過佢？」
「當佢已經有曬自己嘅計劃，我講咩仲重要嗎？更加唔想俾佢覺得我阻住佢……」
他享受自由自在的生活，話走就走，單身的話當然無所謂，但有拍拖，怎樣也要考慮對方吧。
「一個唔會定落嚟嘅人，我唔敢想像點行落去，我想諗結婚，但有家庭有小朋友會係咩局面......」
read more:
有種男人會哄你、會寵你，和他一起足夠開心。只是一想到將來，沒有安定，只有不安。眼前的他到底有多在意，會不會為你停下來，疑惑過嗎？
他不是不好，只是未玩夠，甚麼都想玩，甚麼都想試。拍拖不過是他這刻的其中一部分，他對世界依然好奇。等他玩夠了，你會等到嗎？做情人可能很開心，但託付終身，講責任、講成家，他未ready囉，要孤注一擲麼？
聽說結婚對象，就找個平凡穩重的男人，悶一點無問題，刺激浪漫就別求了，有足夠安全感，有膊頭，不為其他事輕易離開，將你放在priority，這才適合過人世？！
拍拖和結婚是兩回事，拍拖求開心，結婚求安穩，你能不認嗎？
《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。
【你點睇】港府本年度已錄逾2千億元赤字，有議員指或難符基本法力求收支平衡之規定。你認為當局應如何解決財政問題？► 立即投票
