2018-05-16
實踐「無現金」付款模式 快捷又簡單
香港小店一向用現金交易，最近小編去經常幫襯的食店，發現店內加裝QR code流動支付服務。於是問問老闆意見，他讚不絕口大說方便。香港一直被指流動支款方式落後，流動支付現在進一步開拓市場，打入現金交易為主的行業。
老闆笑笑口話，以前唔收信用卡之類的電子支付，因為成本高，回款期長，小本經營生意實在用不起。而家用QR code流動支付解決晒呢類問題。使用QR code夠簡單方便，商戶成功申請收款服務後，會獲發條碼標籤，只要在收銀處展示條碼，客人再用手機掃瞄後，輸入銀碼確認就完成。毋須數錢、找錢，整個交易過程自然更快更流暢，減少人為出錯。
新流動支付服務就只有一個QR code標籤，不似以前的要額外安裝讀卡機，未用服務先要花一筆。而且流動支付相比信用卡，每宗交易所付的成本極低。老闆還補充一句，處理現金也有成本，每日安排人手點算、存入銀行等等，人手點算亦時有出錯，因此，流動支付與傳統現金方式的成本其實相差無幾，但好處就略勝一籌。
最近還新推出mPOS流動收款裝置，內置SIM卡，對一些小型店舖，因資金或地方所限，未必能夠安裝一部傳統POS最為合用。可以透過4G或Wi-Fi網絡連接。交易時只要客人打開手機錢包app，展示出QR code，商戶在mPOS輸入銀行後直接掃瞄就完成。無論用標籤或mPOS的QR code，交易過程都快捷方便，資料傳送時更會加密確保安全。經流動支付收款，商戶可轉帳到指定的銀行戶口。每次發出轉帳指示，幾日內就收到款項，穩妥又直接。
老闆仲話，用咗流動支付之後，所有交易都有記錄。商戶仲可以隨時網上查閱，交易一目了然。起碼唔駛每日收舖數神沙，逐張單對數，騰出時間處理其他工作，提升工作效率。
據老闆講，流動支付服務供應商仲會拍住小商戶一齊做推廣，多元化合作模式，帶來更多客戶消費，難怪愈來愈多商户都開始接受流動支付啦。其實QR code流動支付同時方便到商户同消費者，已經改變咗唔少人嘅付款習慣，相信下一次幫襯小店既時候，我唔會再驚訝連小店都可以用QR Code俾錢，反而會問：下！乜你地仲係「只收現金」？甚至會因為太少現金喺身而唔入去冇流動支付既舖頭。
《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。
樂本健【年度感謝祭】維柏健及natural Factors全線2件7折► 了解詳情
