【關公災難】無辜子華慘做「磨心」 網民鬧爆快餐店

　　男神黃子華早前為大家樂拍攝廣告，化身暖男助市民做盡好人好事，宣揚尋找快樂的硬道理。短片在網上發布12小時已錄得逾50萬點擊，不少觀眾高呼廣告充滿正能量，加上男神發功實在冇得輸！

　　最新的廣告雖然大賣溫情，不過網友就不太滿意，大家樂的廣告片雖然已經有百二萬次瀏覽，過四萬多個like，近1,300人留言，反應相當熱烈，不過大家只是畀like男神黃子華，而並不是該快餐店。

　　網友Tyc Cheung 表示「好中意個廣告，好中意黃子華，但好唔中意大家樂.....無論你搵人拍得幾好都好，你地永遠都冇真心為客人去改變過！」網友Ze Ro指「個like 係比黃子華同廣告公司，但大家樂就….」

　　網友Charles Wong慨嘆「所有的廣告都是拍最美好的一面，就正如牆上餐牌影出來的食物一樣，同事實是有一大段距離的。」 網友Kwok Fai Wong認為「廣告係好有情感好warm，但大家樂太刻薄，同廣告完全相反！」

　　網友Louis Arsenal表示「如果唔係子華， 我真係唔會浪費呢一分鐘睇呢間公司嘅廣告！」網友Melody D Violette Radcliffe 質疑「子華係正既，但睇完究竟關大家樂咩事呢？」網友羅友大指「個廣告因為有子華，所以我會睇。但唔會因為有子華賣廣告所以我去食，Sorry，大家樂係無快樂架！」

　　近千個留言中大部份都是對該快餐店的食物質素、員工態度，衞生環境等等作出劣評，大家樂的小編見到劣評如潮，亦有致歉回覆，指「好多謝大家好有愛嘅留言，我哋會繼續努力、繼續改善。」

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

【與拍賣官看藝術】畢加索的市場潛能有多強？亞洲收藏家如何從新角度鑑賞？► 即睇