【家的味道】太安樓隱秘小店飲阿媽靚湯 嚐住家菜

范太之Signature Dish

 

 

　　到訪當日，正值中午，店內人不多，甫坐定，范太就奉上一杯熱茶，見是生面孔，就著我自行填寫紙條後交給她。

 

 

　　范太笑說這茶名叫「范太茶」，她鍾意飲茶也會自己調配茶葉，這杯茶喝上來泛著淡淡的花香，很是特別！也有食客專為品茶而來！

 

 

　　今日靚湯係由姬松茸、冬瓜、瘦肉、蜜棗等煲成，38元一碗。姬松茸被譽為「菌中之王」，功效堪比靈芝。搭配冬瓜瘦肉同煲，口感清甜，適合春夏時令。

 

 番茄牛肉飯

 

　　范太Signature Dish是這碗番茄牛肉飯（$38），不同於茶記的番茄牛肉飯，你睇唔到大塊的番茄，但這碗飯實際上卻是用十幾斤新鮮番茄熬成的醬汁來撈飯，唔加茄汁，完全靠番茄的天然甜味！

 

 

　　再將現炒的安格斯肥牛和色彩繽紛的彩椒粒粒鋪在飯上，表面再撒上大把白芝麻和炸蒜蓉，視覺與味覺並重，百分百原汁原味番茄牛肉飯，也只有媽媽才會如此費心搭配！ 

 

 

　　牛肉採用貴價的安格斯肥牛，不肥，微甜，范太說都是採用最簡單的調味，但我覺得好食過牛肉飯專門店！ （貪心的想，牛肉若可再多些就更好了。）

 

 

 秘製黃咖喱牛腩飯

 

 

　　小店另一招牌是秘製黃咖喱牛腩飯（$48），咖喱汁混合了印度、馬來西亞、泰國二十幾種香料，我無品嘗，不過見到隔離枱的年輕女孩端住碟子走進廚房，細聲說：「范太，唔好意思，我要添飯…實在是太好味了！」能讓年輕女孩子主動添飯！你認為這咖喱飯水準如何？下次要試！

 

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

《說說心理話》：講講常見年輕人理財問題！想「人有我有」？認可理財社工分享理財觀念小秘訣！► 即睇

• 1
• 2
• 3
• 4