《MakeMoney》下一隻柴犬幣你夠唔夠膽追？Ryoshi Vision生態大解構！

　　呢幾日虛幣市場熱話都係停留係柴犬幣（Shiba Inu Coin)，係連登有位巴打係一個月前開Post話自己買入左11億粒Shib，價值約8250蚊美金（約64762港紙），近呢幾日柴犬幣價格暴漲，由0.000006一路抽升，最多高見0.000035，而呢位巴打亦貼圖自己止賺，倉位暴漲高達28.33萬港紙！真係又一位高手出現！

 

　　不過，係外國Meme Coin(迷因幣)界，正蘊讓下一隻柴犬幣誕生，佢就係Ryoshi's Vision啦！而呢隻幣更表示自己屬於柴犬幣生態圈一環，而且幣價好平......你又夠唔夠膽追?

 

 

Ryoshi為柴犬幣創辦人，身分成謎

 

　　其實柴犬幣係由一位化名為「Ryoshi」嘅人，係以太坊平台創辦一種「迷因幣」（Meme Coin），根據柴犬幣白皮書所講，係希望想建立起自己嘅生態圈，透過去中心化概念，打破傳統金融圈壟斷局面，所以柴犬幣係屬於一個「大型社會實驗」。

 

　　至於呢隻新幣「Ryoshi's Vision」，據佢嘅白皮書所講係屬於柴犬幣生態圈一環，除左繼承「去中心化」呢個目標之外，將會主力發展NFT藝術作品、音樂、電玩遊戲。所以外界估計，「柴犬幣」生態圈將會越來越豐富，而柴犬幣主要大方向係貨幣交易、「類銀行」服務為主；而「Ryoshi's Vision」將會建構係柴犬幣之上，走娛樂消閒路線。

 

交易所未有得買，目前只有兩個方法可以獲取Ryoshi's  Vision

 

 

 

　　由於呢隻Ryoshi Vision發行幾個月，所以目前未有大型交易所掛牌上市，市場嘅認知度同宣傳度都唔係好足夠。

 

　　目前所知，可以獲得Ryoshi Vision嘅方法得兩種：第一，透過Uniswap或者Shibaswap平台購買，先換取Eth係自己電子錢包，再將電子錢包連接到平台「swap」幣，期間要留返小小ETH嘅Gas Fee作支付；第二，先買Shiba，係Shibaswap進行「Bury」產生利息，收取利息嘅獲幣有三種，包括Bone、Eth或者Ryoshi's Vision，目前每星期都會派發約1400萬粒Ryoshi's Vision。

 

升值潛力有幾大，風險就有幾大！

 

 

 

　　由於Ryoshi's Vision目前白皮書未有講及太多如何發展，目前只係知道背後團隊正開發緊呢個幣嘅相關遊戲；而係柴犬幣相關嘅NFT都見到Ryoshi's Vision嘅Icon，意味呢種幣可能走向娛樂消費路線為主，但由於幣種較新，目前每一粒約為小數點後六個位，買夠一億粒都係13蚊美金（約100蚊港紙），所以升幅潛力好大！

 

　　不過提醒返大家，虛幣市場風險極高，建議大家都係拎啲閒錢持有，贏左梗係開心，輸左都覺得唔痛咁就最好啦！畢竟目前虛擬貨幣都係投機味道濃厚，都係買張長期六合彩可能會開心好多！

撰文：李皆穎

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

《說說心理話》 消費能獲取快樂？買不起，不如花光錢錢$$？「習得性無助」有何影響？一起看看正確理財觀念。► 即睇