法籍男賣湯咖喱 重塑札幌回憶

　　自去年底札幌名店登陸本港，湯咖喱開始備受港人認識，在堅尼地城走一轉，也發現新開的湯咖喱專門店Samurai。

 

【特盛雜錦海鮮，$108】

 

 

 濃稠的蟹湯底與大蝦、蟹腳、八爪魚、帶子等煮熱，鮮味澎湃。

 

　　走入店子，驚見法籍型男在埋頭煮咖喱，原來Romain曾在北海道生活多年，愛上當地的湯咖喱，來港發展後懷念這種味道，於是自家研製recipe，並選址人口愈來愈多的西環開店。

 

　　湯咖喱質感如湯，與常見的日式咖喱相比，清淡不甜但富濃郁的香草味道。吃湯咖喱，要先選湯底，基調的雞湯底由雞骨、蔬菜、香料等共50種用料熬成，再加入秘製湯膽，分別是自煮的鮮茄醬、椰子和蟹油三款去煮，還有五種辣度可選。最後再自選心水配料，有雞髀、日式叉燒、羊肉漢堡、海鮮、納豆選擇，每款都配上紅蘿蔔、露筍、薯仔等多款野菜和溏心蛋，配搭以日本珍珠米造成的黃薑飯，豐富又健康。

 

 

Romain所有recipe全由自己研究。  

 

　　除了湯咖喱，這裏還有多款小食甜品供應，像芥末薯仔沙律、南蠻炸雞、抹茶布甸等。必點這裏的冰茶，玄米茶及焙茶葉都經24小時冷泡，茶香突出而不甘澀，與濃稠的咖喱絕配。

 

【烤雞腿椰子湯咖喱，$88】

 

椰香重的咖喱，必點招牌烤雞髀作配料。  

 

【肉食者天堂，$158】

 

鮮茄作base，配料有雞髀、羊肉餅、叉燒。

前：流心芒果布甸配甜薯忌廉、後：抹茶布甸配紅豆忌廉，各$48 

 

Samurai Soup Curry

地址：堅尼地城厚和街28號地下D舖

電話：6573 1356

平均消費：$100

 

轉載自: 晴報

• 

【香港好去處】etnet全新頻道盛大推出！全港最齊盛事活動資訊盡在掌握！► 即睇