西九文化區藝術公園｜「體重管理 X 日行萬步挑戰」嘉年華

活動簡介

為響應日前公布嘅《體重管理行動計劃》，呼籲全港市民一齊參與，好好管理體重，齊建健康同活力嘅香港，衞生署即將舉行「體重管理 X 日行萬步挑戰」嘉年華。活動免費入場，有多個好玩又充滿動力嘅遊戲攤位，仲可以帶本獅同郁獅嘅精美禮品返屋企，你哋又點可以錯過呀！

除咗攤位遊戲，同場仲有好多精彩表演，豐富節目：樂隊表演、花式跳繩、花式劍球、舞蹈表演、五禽戲、花式足球、體操表演等，大人細路都啱玩，開心之餘仲可以提升健康同體重管理意識！

快啲 mark 定日子！ 帶埋一家大細、朋友一齊嚟郁一郁，體驗「郁多啲，健康啲」嘅樂趣，一齊邁向理想體重同身心健康啦！

現場當然唔少得本獅同郁獅一齊互動打卡，攞走健康小貼士同滿滿活力正能量！～ 千祈唔好錯過呢個咁好玩又健康嘅嘉年華，本獅約定你，3月21號，西九文化區藝術公園海濱西草坪見 ！