說到開店，范太很隨性，完全沒想過自己會開食店。她說兒女大了，有自己的生活空間，回家吃飯的次數漸少，自己好似無事可做，覺得無聊之餘，也少了人生目標，「後來諗吓我識煲湯煮飯喎，出面好多人成日都要出街食飯，於是咪諗出靚湯加家常餸囉！」

　　原來范太早年在加拿大生活時學過烹飪，亦經常在家宴客，手藝不錯，烹調鮑參肚翅都不在話下，看范太設計的餐牌，搭配有心思，就算是午餐，也不是普通茶記款式，頗有私房菜的架勢。

　　范太堅持全部食物和湯水真材實料，不落味精，完全靠食物本身的鮮味。她每日清晨都會親身去街市採購，見到甚麼新鮮就買什麼，每日還會設計hidden menu，係餐牌睇唔到的款，要問范太才知。

　　晚餐會多一些魚料理，范太說他們的東星斑係從馬爾代夫入貨，絕對係「真．海魚」！愛心靚湯就依時令季節，煲足 5、6 個鐘頭，好似今日就係用姬松茸、冬瓜、瘦肉、蜜棗等等來煲湯。

　　小店開業十個月，吸引一班街坊熟客，人情味十足。