馬鞍山恆安邨恆安社區中心｜清潔香港人人都「德」活動日

活動簡介

【#德悉時事 - 你願意同阿德一齊守護香港嘅環境衞生嗎？】

阿德日日四出宣傳清潔，但要搞好香港嘅環境衞生，單靠我一個嘅力量係絕對唔夠㗎！所以，大家唔好再得個「睇」字，快啲加入我哋啦！

嚟緊我哋會舉辦「外展活動日：清潔香港 人人都『德』」!希望透過今次活動，推廣良好嘅個人同公共衞生習慣，培養大家保持環境清潔嘅意識。等大家玩得開心之餘，仲可以學到實用嘅環境衞生知識！

現場設有多個好玩嘅攤位遊戲！只要玩完遊戲並完成指定任務，就可以將精美嘅紀念品帶返屋企！快啲過嚟一齊玩、一齊打卡啦！

阿德已經準備就緒，期待活動當日見到活力滿滿嘅大家！快啲約埋親朋戚友，齊齊守護香港嘅環境衞生啦！

• 主題： 外展活動日 — 清潔香港 人人都「德」！

• 門票：免費入場

歡迎大家踴躍參加！約定你，到時見！