【整蠱專家】很賤又保證不會惹火同事！10個超爆笑的愚人節整人絕招

第3招：枱頭電話猛咁響？

　　個個打工仔都會有部枱頭電話，但未必個個打工仔部枱頭電話都會成日響。如果你身邊有個成日都笑你電話響個不停嘅同事，一於趁愚人節將佢部枱頭電話包到實一實，再瘋狂奪命追魂call佢……

第4招：工作枱變了凶案現場？  

　　隔離位同事成日喺度呻「返工返到就冇命」？一於將佢張工作枱變成凶案現場啦，等佢可以「夢想成真」！

Read More：【年廿八，洗邋遢】將東西轉贈給「敵人」？執屋達人教你3招KO混亂辦公桌  

第5招：辦公椅上有舊屎？

　　要講辦公室恐怖事件，「廁所板有舊屎」一定榜上有名！如果……連辦公椅上都有「屎」出現，究竟大家又會有咩反應？（附送「屎」的製作方法：先將廁紙筒弄濕，然後撕成一片片，最後捏成條狀。）

第6招：腦細老是常出現？

　　腦細出沒注意！腦細出沒注意！腦細出沒注意！（重要的事要說三次）對打工仔嚟講，返工最可怕嘅事一定係腦細老是常出現。所以想喺愚人節一招KO同事，就一定要用到呢招「影印機嚇鬼大法」：先揀一張腦細最靚仔／女嘅相，然後貼喺影印機度，只要同事一打開個影印機蓋，就會即刻見到腦細個倒影！

第7招：去廁所都要考「專業」？

　　打工仔最愛就喺廁所「扮工」，所以要整蠱同事，其中一個「戰場」一定要喺廁所！

第8招：杯果汁飲唔到？

　　三點三，下午茶。呢個時候梗係要為同事送上一杯果汁啦……咦？飲唔到嘅？梗係啦，因為呢杯其實係啫喱嚟㗎！

第9招：電腦死機咁大鑊？

　　辦公室恐怖事件2：電腦忽然玩嘢搞罷工！如果你想見到同事嚇到一臉鐵青，不妨預先下載定一張類似死機畫面嘅圖片，再將張圖設定為螢幕保護裝置（充記得要改短埋螢幕保護裝置嘅啟動時間），然後到愚人節當日，搵機會同你嘅整蠱對象「R吹水」，主要係令佢暫時停低手頭上嘅電腦工作，直至螢幕保護裝置啟動後，佢一望返去部電腦度，就會發現……

第10招：電腦按極冇反應？

　　呢招同第9招有異曲同工之妙，但包保更驚嚇：首先你要將同事嘅電腦桌面截屏下來，再設定為桌面；然後把原本放喺桌面嘅檔案通通移走（記住唔係刪走呀，仲要幫同事save好晒啲檔案呀），令到桌面同平時睇落去嘅一模一樣。直到同事打開部電腦，想要點開桌面上嘅檔案時，就會發現部電腦一啲反應都冇，就算熄完機再開機，問題繼續存在……

　　注意！愚人節作為一個「普天同慶」嘅節日，打工仔想同身邊同事開下玩笑、搞下惡作劇，當然可以接受啦，但記得要以「不影響工作」為原則，唔好貪玩而耽誤咗同事嘅工作呀。

Read More：【10大中伏禮物】比「杯具」更悲劇！聖誕節收「金正恩」人人喊晒口